រដ្ឋាភិបាលសហការជាមួយគ.ជ.បដើម្បីទប់ស្កាត់អ្នកមានចេតនារារាំងពលរដ្ឋមិនឲ្យទៅបោះឆ្នោត
ក្រសួងមហាផ្ទៃ និងក្រសួងការពារជាតិ នឹងសហការជាមួយគណៈកម្មាធិការជាតិរៀបចំការបោះឆ្នោត (គ.ជ.ប) ដើម្បីទប់ស្កាត់ជនទាំងឡាយណា ដែលត្រូវបានគេចាត់ទុកថា មានចេតនារារាំងពលរដ្ឋមិនអោយទៅបោះឆ្នោត។
កាសែតក្នុងស្រុកបានដកស្រង់សំដីរបស់មន្ត្រីជាន់ខ្ពស់របស់អគ្គស្នងការដ្ឋាននគរបាលជាតិ លោក គៀត ច័ន្ទថារិទ្ធិ ថ្លែងថា អាជ្ញាធរជំនាញ និងសន្តិសុខផែនយុត្តិធម៌ កំពុងស្រាវជ្រាវ ជនទាំងឡាយ ដែលចូលរួមរារាំងពលរដ្ឋមិនអោយទៅបោះឆ្នោត។ ទោះជាយ៉ាងណា ក៏ដោយ លោក គៀត ច័ន្ទថារិទ្ធិ មិនបានបញ្ជាក់អំពីចំនួននៃកងសន្តិសុខ ដែលនឹងដាក់ពង្រាយនៅពេលបោះឆ្នោតនៅឡើយទេ។
ការបោះឆ្នោតជ្រើសតាំងតំណាងរាស្ត្រនីតិកាលទី៦ ដែលនឹងរៀបចំឡើងនៅថ្ងៃទី២៩ ខែកក្កដា ខាងមុខនេះ ដែលនឹងមានគណបក្សនយោបាយចំនួន ២០ លើកលែងតែគណបក្សសង្គ្រោះជាតិ ដោយសារតែរបបលោក ហ៊ុន សែន បានរំលាយចោល។ ការបោះឆ្នោតនេះត្រូវបានអ្នកវិភាគ និងអង្គការអន្តរជាតិចាត់ទុកថាជា ការបោះឆ្នោតបង្គ្រប់កិច្ច មិនឆ្លុះបញ្ចាំងពីឆន្ទៈពិតរបស់ពលរដ្ឋ៕
ប្រភពពី៖RFA
No comments